Ilgari oliy ta’limda 1 ta o‘rin uchun kamida 10 nafar yigit-qiz kurash olib borar edi. Qisqa davrda oliygohlar soni 3 barobar oshirildi. Tizimda qamrov 42 foizga yetdi.

“Xotin-qizlarga kontrakti davlat tomonidan qoplab berilayotgani sabab talaba qizlar soni 11 karra ko‘paydi. Men bir hayotiy fikrni takrorlashdan charchamayman: bitta qizni o‘qitsak, butun oilani o‘qitgan bo‘lamiz. Oila bilimli, ma’rifatli bo‘lsa, butun jamiyat bilimli, ma’rifatli bo‘ladi. Bu boradagi ishlarni yanada jadal davom ettiramiz”, – deydi Prezident Ko‘ksaroyda bo‘lib o‘tayotgan yoshlar bilan uchrashuvda.

Shuningdek, o‘tgan 25-yil ichida davlat hisobidan 800 nafar yoshlar xorijga o‘qishga yuborilgani ta’kidlandi. Birgina “El-yurt umidi” jamg‘armasi orqali esa so‘nggi 7 yilda 3 barobar ko‘p o‘g‘il-qizlar bunday imkoniyatga ega bo‘lgan.

Endi, Yoshlar agentligi xorijda o‘qiyotgan har bir talabaga bosh-qosh bo‘lib, ehtiyojlarini aniqlashi, Vatanga qaytib, o‘z o‘rnini topishi, muvaffaqiyatli karyera qilishi kabi masalalarda Davlat xizmatini rivojlantirish agentligi bilan teng mas’ul bo‘lishi belgilandi.

• Shavkat Mirziyoyev