31°
Kechasi 18°
Xalq ta’limi vazirligi umumta’lim maktablarida yangi yil bayramini nishonlash bilan bog‘liq hech qanday cheklovlar kiritilmaganini ma’lum qilmoqda.
Ta’kidlanishicha, vazirlikning umumta’lim maktablarida Yangi yil bayramini rejalashtirish va o‘tkazish bilan bog‘liq cheklov yuzasidan tegishli xati noto‘g‘ri talqin qilingan.
“Respublika maxsus komissiyasining turli xil korporativ bayram va ko‘ngilochar tadbirlarni tashkil etish bilan bog‘liq taqiqlar vazirlik, idora va boshqa davlat tashkilotlariga tatbiq etilgan”, – deyiladi vazirlik izohida.
O‘z navbatida vazirlik maktablarda pul yig‘imlari hamda ota-onalarning e’tirozlarini oldini olish maqsadida restoran, kafe va boshqa umumiy ovqatlanish shahobchalarida maktab o‘quvchilariga Yangi yil bayramini o‘tkazishga qo‘yilgan cheklov ham tavsiyaviy xarakterga ega ekanini ma’lum qildi.
Eslatib o‘tamiz, bir muddat oldin vazirlik maktablarda yangi yil bayramini nishonlash bilan bog‘liq ayrim holatlar taqiqlanganligini ma’lum qilgan edi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
