2022-yil 1-apreldan boshlab nodavlat maktabgacha ta’lim tashkilotlari va maktablarga farzandlarini yuborayotgan ota-onalarning 3 million so‘mgacha bo‘lgan to‘lovlari daromad solig‘idan ozod etilishi rejalashtirilmoqda.

Mazkur tartib Prezidentning “Yangi O‘zbekistonning 2022–2026-yillarga mo‘ljallangan taraqqiyot strategiyasi to‘g‘risida”gi Farmonida belgilab qo‘yilmoqda.

Mazkur Taraqqiyot strategiyasi loyihasiga ko‘ra, ta’lim sifatini oshirish bo‘yicha belgilangan vazifalar doirasida 2022-yilda 1-apreldan boshlab nodavlat maktabgacha ta’lim tashkilotlari va maktablarga farzandlarini yuborayotgan ota-onalarning 3 million so‘mgacha bo‘lgan to‘lovlari daromad solig‘idan ozod etiladi.

Shuningdek, o‘rta ta’lim tizimini zamon talablariga moslashtirish maqsadida:

– umumiy o‘rta ta’lim muassasalarida darsliklarni yangilash dasturini amalga oshirish uchun Davlat byudjetidan 605 mlrd so‘m ajratiladi;

– 141 mingta yangi o‘quv o‘rinlari yaratilib, ularning soni 2026 yil yakuniga qadar 1,2 milliongacha yetkaziladi;

– maktab o‘quvchilarini kasb-hunarga o‘qitish bo‘yicha davlat buyurtmasi asosida umumta’lim maktablari kasb o‘rganish istagidagi bitiruvchilarini davlat tomonidan kamida bir kasbni egallashiga ko‘maklashuvchi tizim joriy etiladi.

• Farmon
• Loyiha