Yakkabog‘ tumani hokimining xizmat mashinasi YTHga uchradi.

Hokimlik matbuot xizmati rahbari Sherzod Hasanovning Xabardor.uz’ga ma’lum qilishicha, voqea kecha, yakshanba kuni tuman markazida sodir bo‘lgan. Dam olish kuni bo‘lgani uchun avtomobilda hokim bo‘lmagan. 

Ma’lum qilinishicha, hokim haydovchisi yo‘ldan harakatlanib ketayotib, boshqa mashinaga yo‘l bermoqchi bo‘lgan va yo‘ldan chiqib daraxtga urilib pastlikka tushib ketgan. 

YTH oqibatida tan jarohati olganlar yo‘q.

Eslatib o‘tamiz, hokimlik ushbu avtomobilni joriy yilning may oyida 311 million so‘mga xarid qilingan va bu xarid jamoatchilik o‘rtasida bir muddat bahs-munozaralarga sabab bo‘lgandi.

• Qashqadaryo
• YTH