Avstraliyada Yevropadan qaytgan sayyohda maymunchechak bilan kasallangan birinchi holat qayd etildi. Shuningdek, Kanadada ham ushbu infeksiyani yuqtirishning dastlabki ikkita holati tasdiqlangan.

Avstraliyaning Yangi Janubiy Uels shtati Sog‘liqni saqlash vazirligining rasmiy veb-saytida aytilishicha, gap Yevropadan qaytganidan bir necha kun o‘tib kasalxonaga borgan 40 yoshli erkak haqida ketmoqda.

Kanadada maymunchechakning birinchi holatlari Kvebek provinsiyasida aniqlangan. Kanada hukumati sayti xabar berishicha, holatlardan biri mamlakatga kelgan AQSh fuqarosi.

Qayd etish joiz, maymun poxi kamdan-kam uchraydigan virusli infeksiya bo‘lib, u odamlarga ham yuqishi mumkin. Infeksiyaning dastlabki belgilari orasida isitma, bosh og‘rig‘i, mushak og‘rig‘i, shishgan limfa tugunlari mavjud. 

Avvalroq, maymunchechak bilan kasallanishning birinchi holatlari Buyuk Britaniya, Italiya, Shvetsiya, Ispaniya, Portugaliya va boshqa bir qator mamlakatlarda qayd etilgan.

• Avstraliya
• Buyuk Britaniya
• Kanada
• Maymunchechak