Vazirlar mahkamasining tegishli qarori bilan “Yangi O‘zbekiston bunyodkorlari” ko‘krak nishoni ta’sis etildi.

Nishon bilan faol fuqarolik pozitsiyasini, zamonaviy bilim va malakasi, ma’naviy-intellektual salohiyatini namoyon etayotgan, davlatning xalqaro miqyosdagi nufuzini yuksaltirishga va shon-shuhratini oshirishga hissa qo‘shayotgan, namunali faoliyati bilan ajralib turgan fuqarolar taqdirlanadi.

Shuningdek, ko‘krak nishoni bilan chet el fuqarolari va fuqaroligi bo‘lmagan shaxslar ham taqdirlanishi mumkin.

Ko‘krak nishoni bilan taqdirlashda davlat dasturlarini ishlab chiqish va strategik loyihalarni amalga oshirishda ishtirok etganligi, “Prezident iqtidorli farzandlari” tashabbusini amalga oshirishdagi ishtiroki va natijadorligi ham hisobga olinadi.

Nishon har yili Iqtidorli yoshlarni qo‘llab-quvvatlash hamjamiyatining qurultoyida topshiriladi. Bir shaxs ko‘krak nishoni bilan bir marta taqdirlanadi.

Ko‘krak nishoni bilan taqdirlanadigan nomzodlar ro‘yxatini shakllantirish, taqdim etish va ko‘rib chiqish masalalarini tashkil etish uchun Maktabgacha va maktab ta’limi vazirligi ishchi organ vazifasini bajaradi.

• Qaror
• Vazirlar Mahkamasi
• Yangi O‘zbekiston