Prezident “Yangi Toshkent” loyihasi qurilishiga tamal toshi qoʻyish marosimidagi nutqida poytaxt aholi uchun har tomonlama qulay sharoitga ega, chinakam ekologik shahar boʻlishi kerakligiga eʼtibor qaratdi.

Shu maqsadda “Toshkentning yashil belbogʻi” loyihasi aynan Yangi Toshkent hududidan boshlanadi. Bunda 420 gektar maydonda Markaziy bogʻ barpo etilib, 200 ming tup daraxt ekiladi. Bugun ushbu bogʻda yaxshi niyatlar bilan 1 ming tup daraxt ekiladi.

Davlatimiz rahbari bu ishlarning davomi sifatida “Yashil makon” umummilliy loyihasi doirasida bahor faslida har bir mahalla hududida 1 mingtadan daraxt ekishni taklif etdi.

Soʻzining yakunida Prezident poytaxt Yangi Oʻzbekistonning yuksak taraqqiyot darajasi va salohiyatiga har tomonlama mos boʻlgan yirik megapolisga, dunyodagi eng goʻzal va jozibador shaharlardan biriga aylanishiga ishonch bildirdi.

• Prezident
• Shavkat Mirziyoyev
• Toshkent
• daraxt