Respublika maxsus komissiyasi joriy yilning 30-noyabrda o‘tkazgan 90-sonli yig‘ilish bayonida bu yil ham vazirlik, idoralar va boshqa davlat tashkilotlari hamda xo‘jalik birlashmalarida mamlakatda amal qilayotgan karantin cheklovlari sharoitida aholi salomatligini ta’minlash hamda davlat byudjeti mablag‘laridan oqilona va samarali foydalanish maqsadida yangi yil bayramini nishonlash bo‘yicha turli xil korporativ bayram va ko‘ngilochar tadbirlar tashkil etish taqiqlandi.

Shu munosabat bilan Xalq ta’limi vazirligi umumta’lim maktablarida yuqori sinf o‘quvchilari ishtirokida yangi yil bayramini nishonlash bilan bog‘liq tadbirlarni o‘tkazish; bayram tadbirlarini o‘tkazish maqsadida ota-onalardan turli xil noqonuniy pul yig‘imlarini amalga oshirish; maktab foyesi va sinf xonalarni sun’iy archa va elektr chiroqlari bilan bezash ta’qiqlandi.

Umumta’lim maktablarida yangi yil bayramini nishonlash bilan bog‘liq quyidagi holatlarga ruxsat berildi:

- Istisno tariqasida faqatgina boshlang‘ich sinf o‘quvchilariga karantin qoidalariga rioya qilgan holda sinf rahbari hamda ota-onalar ishtirokida o‘z sinf xonalarida dars jarayonlariga halaqit bermagan holda bayram tadbirlarini o‘tkazish;

- Maktab foyesi va sinf xonalarni faqatgina o‘quvchilar qo‘l mehnati bilan yasalgan turli bezaklar bilan bezatish;

- Maktab hovlisida yangi yil archasini bezash.

• O‘zbekiston
• Yangi yil
• Yangi yil archasi