Kecha, 25-yanvar kuni O‘zbekiston hududida elektr ta’minotida yuzaga kelgan uzilishlardan foydalanib, bankomatga o‘g‘rilikka tushgan fuqaro ushlandi.

Milliy gvardiya Qo‘riqlash Bosh boshqarmasi bergan xabarga ko‘ra, 25-yanvar kuni tungi soat 20:10lar atrofida Toshkent viloyati Yangiyo‘l tumani qo‘riqlash bo‘limi xodimlari tomonidan, yo‘nalish bo‘ylab xizmat olib borayotgan vaqtida noma’lum shaxs, Yangiyo‘l tumani Samarqand ko‘chasida joylashgan “Davr bank” Olmazor filialiga qarashli bankomatni ochishga urinayotganligi aniqlanib, tezkor harakatlanuvchi guruh chaqirtirilgan. Xodimlar tomonidan ko‘rilgan tezkor chora-tadbir natijasida noma’lum shaxs voqea joyida ushlanib, o‘rnatilgan tartibda Yangiyo‘l tumani IIO FMBga topshirilgan.

Dastlabki surishtiruv ma’lumotlariga ko‘ra ushbu noma’lum shaxs Yangiyo‘l tumanida tug‘ilgan 22 yoshli fuqaro I.D. ekanligi aniqlangan.

Hozirda holat yuzasidan Yangiyo‘l tumani IIO FMB tomonidan surishtiruv ishlari olib borilmoqda. 

• Milliy gvardiya
• Toshkent