Elsonic kompaniyasi ijtimoiy tarmog‘i sahifasini varaqlashni osonlashtiruvchi monitor chiqardi. EK-MD088 monitorining uzunligi 24,8 smni tashkil etadi. Monitorga yig‘ma taglik o‘rnatilgan bo‘lib, u orqali nishablikni moslashtirish imkoniyati yaratilgan.

Ekranning dioganali 8,8 dyumni tashkil etadi. Monitor USB-C port orqali quvvat oladi. Unda bir qancha tugmalar bo‘lib, tugmalar orqali yangiliklar tasmasini aylantirish, internet-serfing, brauzerdagi o‘yinlarga o‘tish mumkin.

Qurilma narxi 130 AQSH dollari etib belgilangan. Bu taxminan 1 million 400 ming so‘mga to‘g‘ri keladi. Yangilik 2022 yilning fevralidan do‘konlarda paydo bo‘lishi kutilmoqda.

• Yaponiya
• texnologiya