Yaponiya hukumati yetti yil ichida birinchi marta elektr energiyasini tejash rejimini joriy qildi va korxonalarni yoz oxirigacha ularning iste’molini kamaytirishga chaqirdi.
Qayd etilishicha, ushbu qaror elektr energiyasi zahiralarini hisoblash bilan bog‘liq. Okinava va Xokkaydodan tashqari Yaponiyaning deyarli barcha hududlarida issiqlik to‘lqinining boshlanishi bilan hukumatning hisob-kitoblariga ko‘ra, energiya zaxirasi nisbati 3,7% ga yetishi mumkin, bu 3% kritik darajadan sal yuqori.
Shu boisdan, aholiga elektr energiyasini ikkilamchi maqsadlarda, jumladan, do‘konlarda reklama lavhalari, yoritish moslamalari va televizorlar namoyishini kamaytirishga chaqirildi.
Agentlikning taʼkidlashicha, Yaponiyada elektr taʼminoti bilan bogʻliq muammolar energiya narxining oshishi, issiqlik elektr stansiyalarining qisqarishi va elektr energiyasi taʼminoti barqarorligidan xavotirlarning kuchayishi fonida yuzaga kelgan.
Avvalroq Yaponiya poytaxti Tokioda anomal issiqlik tufayli har kuni yuzlab odamlar shifoxonalarga yotqizilayotgani ma’lum bo‘lgandi. Issiq urish tufayli kecha, 30-iyun kuni 226 nafar mahalliy aholi kasalxonaga yotqizilgan, ulardan 14 nafarining ahvoli og‘ir. Umuman olganda, iyun oyida 1517 nafar mahalliy aholi qattiq issiqlik urishi bilan kasalxonaga yotqizildi, bu so‘nggi o‘n yildagi mutlaq rekorddir.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!