Yaponiya o‘z rezervlaridagi neftni sotishi mumkin. Bu bozordagi ushbu xomashyo narxini me’yoriy tutib turish uchun chora sifatida ko‘rilmoqda.

Sentyabr oyi so‘nggidagi hisoblarga ko‘ra, mamlakat rezervida 74,25 mln kilolitr neft saqlanmoqda. Bu butun mamlakatning 235 kun yoqadigan yoqilg‘isiga teng.

Yaponiya qonunchiligi favqulodda holatlarda davlat rezervida saqlanuvchi neftni sotuvga chiqarish masalasini talab qiladi. 2011-yili mamlakat shimoli-sharqida sodir bo‘lgan zilzila va sunamida, 1991-yili Fors ko‘rfazidagi urush mahali mamlakat xuddi shu yo‘l bilan xomashyo narxini mo‘tadil tutishga muvaffaq bo‘lgan.

Yaponiya hukumati sanoat turini qo‘llab-quvvatlash uchun bir nechta chora-tadbirlarni qo‘llay boshladi. Unga ko‘ra, hozir Yaponiyada eng ko‘p sotiladigan "regular" nomli benzin navi (taxminan bizdagi AI-95ga to‘g‘ri keladi) narxi 170 iyenga yetsa (taxminan 16 ming so‘m), mamlakat o‘z rezervidagi neftni bozorga olib chiqadi.

• Yaponiya
• neft