Bugun, 24-may kuni Yaponiya Mudofaa vazirligida mamlakat bosh vaziri Fumio Kisidaning Ukrainaga va’da qilgan 100 ta mashinani topshirish marosimi bo‘lib o‘tdi.

Qayd etilishicha, yordamga 10 kishilik yuk mashinalari, shuningdek vayronalarni olib tashlash uchun uskunalar kiradi.

Bunday yordam ko‘rsatish masalasini Volodimir Zelenskiy va Kisida 21-may kuni G7 sammiti doirasidagi uchrashuvda muhokama qilgan. Shuningdek, Yaponiya bosh vaziri 30 ming dona quruq yeguliklar ham topshirishga va’da bergan.

Sammit 19-21-may kunlari Xirosimada bo‘lib o‘tdi. Kutilmaganda, 20 may, shanba kuni Yaponiya Tashqi ishlar vazirligi Ukraina tomonining talabiga binoan Volodimir Zelenskiy sammitga shaxsan tashrif buyurishini ma’lum qilgan va 20-21-may kunlari Xirosimada bo‘ldi.

• Ukraina
• Yaponiya