Yaponiya hukumati Rossiyaga eksport qilinishi taqiqlangan tovarlar va texnologiyalar ro‘yxatini kengaytirdi. Ro‘yxatga yuqori texnologiyali uskunalar, jumladan, 3D-printerlar va kvant hisoblash uskunalari kiritilgan. Taqiq hukumat tomonidan tasdiqlangan va joriy yil 20-maydan kuchga kiradi.

Yangi sanksiyalar haqida Yaponiya Iqtisodiyot, savdo va sanoat vazirligi saytida xabar berilgan. Rossiyaga sotish taqiqlanadi:

kvant kompyuterlari va boshqa shunga o'xshash qurilmalar, shuningdek ular uchun ehtiyot qismlar;

• mikroskoplar;
• modellashtirish uskunalari (3D printerlar) va buning uchun ishlatiladigan metall kukunlari;
• organik yorug‘lik diodlarini ishlab chiqarish uchun uskunalar;
• mikroelektromexanik tizimlarni ishlab chiqarish uchun uskunalar;
• vodorod yoqilg‘isini ishlab chiqarish uchun uskunalar;
• vakuum nasoslari;
• sovutish uskunalari, shuningdek uning tarkibiy qismlari;
• dastgohlar uchun raqamli boshqaruv asboblari;
• polimerlar.

Avvalroq Yaponiya Ukrainada olib borilayotgan maxsus operatsiya tufayli Rossiyaga qarshi bir nechta sanksiyalar paketini joriy qilgan edi. Cheklovlar yuridik va jismoniy shaxslarga, xususan, Prezident Vladimir Putin, Bosh vazir Mixail Mishustin, Markaziy bank, Sberbank, Alfa-Bank, mudofaa konserni Almaz-Anteyga qarshi joriy etilgan. 

Bundan tashqari,sanksiyalar doirasida Yaponiya 140 nafar rossiyalikning aktivlarini muzlatib qo‘ydi. Shuningdek, jami 200 dan ortiq Rossiya kompaniyalari va tashkilotlari cheklovlar ostida qoldi. 

• Eksport
• Rossiya
• Yaponiya
• taqiq