Yaponiyaning eng nufuzli adabiy mukofoti – Akutagava mukofotining 17-g‘olibi Rie Kudan o‘z romanini yozishda ChatGPT’dan foydalanganini tan oldi. Bu haqda “Euronews” xabar berdi.

Qayd etilishicha, oxirgi romani “Tokio hamdardlik minorasi” Akutagava hakamlar hay’atini quvontirgan. Ular asarni “shunchalik mukammalki, undan ayb topish qiyin”, deb topgan. 33 yoshli yozuvchi esa mukofot topshirish marosimida “o‘z imkoniyatlaridan to‘liq foydalanganini” ma'lum qilgan

Shuningdek, u “kitobning taxminan 5 foizi AI tomonidan yaratilgan jumlalar” ekanligini tushuntirgan, so‘zma-so‘z iqtibos ham keltirgan.

Muallif sun’iy intellekt bilan tez-tez suhbatlashish unga “hech kim bilan gaplasha olmaydigan” ichki fikrlarini baham ko‘rishga imkon berganini tan oldi va keyin ChatGPT’ning javoblari ba’zan romanda suhbatni ilhomlantirishini qo‘shimcha qilgan.

“U sun’iy intellektdan mohirlik bilan foydalanib kitob yozgan... Bu iste’dodmi? Bilmadim”, deb yozadi X tarmog‘idagi foydalanuvchilardan biri.

Ushbu mukofotni topshiruvchi tashkilot esa hozircha g‘olibning so‘zlariga izoh bermagan.

• ChatGPT
• Kitob