2022 yil uchun yashash narxi indeksi bo‘yicha O‘zbekiston 133-o‘rinda, ijara indeksi bo‘yicha esa 139 ta davlat ichida 106-o‘rinni qayd etgan, bu haqda Numbeo veb-nashri xabar bermoqda.

Bermud orollari, Shveysariya va Norvegiya yashash narxi bo‘yicha yetakchi, Hindiston, Afg‘oniston va Pokiston esa eng byudjetli mamlakatlardir. Rossiya mazkur ro‘yxatda 101-o‘rinni, Qozog‘iston esa 129-o‘rinni egallagan.

Qozog‘istonning Olmaota va Toshkent shaharlaridagi narxlarni taqqoslash shuni ko‘rsatadiki, O‘zbekiston poytaxtida arzon restoranlar va fastfudlardagi taomlar 13-29 foizga arzonroqdir. Ammo ichimliklar xususan, uyda tayyorlangan pivo 58 foizga, kola va Pepsi – 22 foizga qimmatroq deb baholangan.

Toshkent bozorlarida mahalliy pishloq va sabzavotlarni xarid qilish foydaliroq – ularning narxi Olmaota bozorlaridagi narx-navoga nisbatan 17-23 foizga arzonroq.  Biroq Qozog‘iston poytaxtida olma, banan va apelsinlar O‘zbekiston bozorlaridagi sitrus mevalarga qaraganda deyarli ikki baravar arzon. O‘zbekistonda transport va kommunal xizmatlar arzonroq, lekin bolalarning ta’lim olishi qimmatroq, o‘rtacha oylik esa pastroq, deya baholangan.

Ijaraga olish reytingida birinchi uchlikdan Bermud orollari, Gonkong va Singapur, eng arzon ijara joylari esa Nepal, Pokiston va Afg‘onistonda joylashgan. Bu ro‘yxatda Rossiya 75-o‘rinni, Qozog‘iston esa 105-o‘rinni ishg‘ol etgan.

Olmaota va Toshkentdagi narxlarni taqqoslash shuni ko‘rsatadiki, O‘zbekiston poytaxtida kvartira ijarasi Olmaotadagidan 11–17 foizga past. Shahar markazida kvartira sotib olish Toshkent aholisiga Olmaota aholisidan 10 foizga, markazdan tashqarida esa 29 foizga arzonga tushadi. Lekin ayni paytda O‘zbekistonda o‘rtacha ipoteka foiz stavkasi Qozog‘istondagidan ipoteka bozoridan ikki barobar yuqori.

Eslatib o‘tamiz, avvalroq O‘zbekiston ochlik darajasi bo‘yicha global reytingda 21-o‘rinni egallagani borasidagi xabar e’lon qilingan edi.

• O‘zbekiston
• reyting