Yevropa Ittifoqi Ozarbayjonga iqtisodiyotni yanada diversifikatsiya qilish, ish o‘rinlari yaratish va qishloqlarni inklyuziv rivojlantirishga ko‘maklashish uchun 2 milliard yevrogacha mablag‘ ajratadi.

Yevropa Ittifoqining Iqtisodiy investitsiyalar rejasi bo‘yicha Oliy darajadagi ishchi guruhi 9 dekabrda o‘z ishini boshlaydi.

Yangi muvofiqlashtiruvchi organ Yevropa investitsiya banki (EIB), Yevropa tiklanish va taraqqiyot banki (YTTB) va Yevropa Ittifoqiga aʼzo davlat moliya institutlari bilan birgalikda Yevropa jamoasi ruhida ustuvor sarmoyalarni aniqlaydi va yoʻnaltiradi.

Yevropa Komissiyasining Sharqiy qo‘shnichilik va institutsional qurilish bo‘limi direktori Lourens Mereditning ta’kidlashicha, Iqtisodiy va sarmoyaviy reja bo‘yicha Oliy darajadagi ishchi guruhining ishga tushirilishi Yevropa Ittifoqining Ozarbayjon bilan yaqin hamkorligining yana bir yaqqol ko‘rsatkichidir.

“Hozirgacha Ozarbayjon Ganja ko‘chalarini yoritishni yaxshilash va kichik biznesni moliyalashtirish uchun 90 million yevrogacha mablag‘ olgan. Ishchi guruhning ishga tushirilishi bilan biz Ozarbayjon va uning xalqi Iqtisodiy va sarmoyaviy rejaning sarmoyaviy salohiyatidan katta foyda olishini ta’minlay olamiz”, - deydi u.

• AQSh
• Ozarbayjon
• Yevropa Ittifoqi