Buyuk Britaniya qirolichasi Yelizaveta II qirollik vazifalarining bir qismini oʻgʻli, shahzoda Charlzga topshirishi kutilmoqda. Bukingem saroyi tomonidan eʼlon qilingan qirollik vazifalari roʻyxatiga bir qator oʻzgartirishlar kiritilgan.

Ushbu roʻyxat soʻnggi 10 yil ichida ilk marta oʻzgartirilgan. Unga koʻra, qirolicha davlat va xalq rahbari boʻlib qolsa-da ayrim vazifalarni “zarurat boʻlganda” bajaradi.

Bundan bir muddat avval monarxning davlat rahbari sifatidagi vazifalari roʻyxatiga parlament sessiyalarini ochib berish, bosh vazirni tayinlash, davlat tashriflarini amalga oshirish kabi 13 ta band kiritilgan edi. Eʼlon qilingan yangi roʻyxatda esa “qirolicha bir qator diplomatik va parlamentga oid vazifalar”ni bajarishi, shuningdek “Qirollikning xorijiy mehmonlarni qabul qilishi” aytiladi.

Maʼlum boʻlishicha, Yelizaveta II millat yetakchisi sifatida oʻz vazifalarini “zarurat paydo boʻlgandagina” bajaradi.

Bu yili parlamentning ochilishida 96 yoshli qirolicha oʻrniga 73 yoshli shahzoda Charlz ishtirok etgan edi. Yelizaveta II qirollik vazifalarining bir qismini oʻgʻliga topshirishi kutilmoqda.

• Buyuk Britaniya
• Qirolicha
• mashhurlar