Yer maydonlarini sotish bilan bog‘liq holatlar fosh etildi

Bosh prokuratura huzuridagi Departamentning Navbahor tumani bo‘limi va DXX xodimlari hamkorligida o‘tkazilgan tezkor tadbirda fuqaro Z.B. Karmana tumani, “Kumushkon” MFY hududidagi 15 sotix yer maydonini go‘yoki kadastr bo‘limida ishlovchi tanishlari orqali fuqaro M.Q.ning nomiga rasmiylashtirib berishi evaziga 217 mln so‘mni olgan vaqtida ashyoviy dalillar bilan ushlangan.

Shu kabi, Departamentning Chimboy tumani bo‘limi va DXX xodimlari hamkorligida o‘tkazilgan tezkor tadbirda fuqaro U.Sh. “Kenes” OFY hududidagi davlat zaxirasida bo‘lgan 56 gektar yer maydonini yuqori lavozimda ishlovchi tanishlari orqali fuqaro X.I.ning nomiga rasmiylashtirib berishini va’da qilib, undan 54 mln so‘mni olgan vaqtida ashyoviy dalillar bilan ushlangan.

Mazkur holatlar yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishlari qo‘zg‘atilib, tergov harakatlari o‘tkazilmoqda.