YeTTB hamjamiyati tashabbusi doirasida YeTTB yillik yigʻilishi oʻtkaziladigan mamlakatga maxsus maqsadli xayriya ehsonlarini taqdim etadi.

Bu yilda YeTTB Jamiyat tashabbusi Oʻzbekistonda inklyuzivlikni rivojlantirishga qaratilgan uchta mahalliy xayriya tashkilotini qoʻllab-quvvatladi.

Maʼlum qilinishicha, YeTTB hamjamiyati tashabbusi Oʻzbekistondagi uchta xayriya tashkiloti, “Sharoit plus” tashabbusi, “Opa-singillar Qibray” nogiron ayollar jamiyati, ayollar va bolalar uchun hayotiy favqulodda vaziyatlarda boshpana va reabilitatsiya bilan taʼminlashga moʻljallangan “Rahmdillik” jamiyatiga kam taʼminlangan jamoalarni qoʻllab-quvvatlash ishlarini davom ettirish uchun jami 50 000 yevro ajratadi.

Qayd etilishicha, “Sharoit Plus” xayriya orqali imkoniyati cheklangan kishilarning huquqiy savodxonligini hamma uchun ochiq boʻlgan kontentga ega veb-portal orqali oshiradi.

“Opa-singillar Qibray” xayriya tashkilotiga ajratilgan mablagʻ 150 nafar nogiron ayollar va nogiron bolali onalarning huquqiy va mehnat huquqlari boʻyicha treninglarga yoʻnaltiriladi.

“Rahmdillik”ga ajratilgan mablagʻlar esa kamsitishlarga uchragan qishloq ayollari va qizlari uchun qulay va adolatli huquqiy muhitdan foydalanishga yordam beradi.

“YeTTB hamjamiyati tashabbusi YeTTBning bu yilgi Yillik yigʻilishini oʻtkazuvchi mamlakat, Oʻzbekistonga tadbirdan keyin yanada kengroq, ijobiy ijtimoiy taʼsir koʻrsatadigan uzoq muddatli meros qoldirish uchun maxsus, maqsadli xayriya yordamini taqdim etadi”, – deyiladi xabarda.

• Samarqand
• Xayriya
• YeTTB