Yevropa Ittifoqi Ukrainaga yana 500 million yevro harbiy yordam beradi, tashkilotga aʼzo davlatlar yaqin kunlarda Rossiya neftiga embargo eʼlon qilish boʻyicha kelishuvga erishadi. Bu haqida Yevroittifoq tashqi siyosat rahbari Xosep Borrel ma’lum qilgan. 

“Men Yevropa Ittifoqi sifatida Ukrainaga harbiy yordam ko‘rsatish uchun 500 million yevro miqdoridagi yangi transh ajratamiz, deb e’lon qilmoqchiman. Shunday qilib, umumiy summa ikki milliard yevroni tashkil etadi”, – deya xulosa qildi Yevropa diplomatiyasi rahbari.

Ta’kidlanishicha, Borrell birinchi marta 12-may kuni Ukrainaga harbiy yordamni oshirish rejasini e’lon qilgan. Mablag‘larni ajratish bo‘yicha taklif Yevropa Ittifoqi tashqi ishlar vazirlarining navbatdagi yig‘ilishi kun tartibiga kiritilishi kutilmoqda.

Ma’lumot uchun, mart oyi boshidan beri Yevropa Ittifoqi fonddan Ukrainaga qurol va harbiy texnika xarid qilish uchun 1,5 milliard yevro ajratdi. Bundan tashqari, jamiyatdagi ko‘plab davlatlar ikki tomonlama asosda qurol-yarog‘ yetkazib bergan.

• Harbiy
• Ukraina
• Yevroittifoq