Ayni kunlarda Yevropaning bir qancha davlatlarida “Yunis” to‘foni tufayli kamida 16 kishi halok bo‘ldi.

Qayd etilishicha, Niderlandiya va Polshada to‘rt, Buyuk Britaniyada uch, Germaniya va Belgiyada ikki nafardan, Irlandiyada esa bir kishi halok bo‘lgan.

Bundan tashqari, bo‘ron tufayli yuz bergan avtomobil halokatlarida ko‘pchilik jarohatlangan uchragan. Masalan, Fransiyaning shimolida bunday odamlar soni 30 taga yetgan.

Ma’lum qilinichicha, “Yunis” meteorologlar tomonidan rasman tasniflangan bo‘ron emas, biroq bu so‘nggi o‘ttiz yil ichida Yevropadagi eng kuchli tabiiy ofatlardan biri hisoblanadi. Uning tezligi soatiga 200 kilometrdan oshadi.

Millionlab uylar vaqtincha elektr taʼminotisiz qolgan, koʻplab hududlarda esa poyezdlar va boshqa jamoat transportlari toʻxtab qolgan. Ofat zonasidagi aeroportlar yuzlab reyslarni bekor qilmoqda.

Shuningdek, Germaniya temir yo‘llari – “Deutsche Bahn” “Yunis” to‘foni 1000 kilometrdan ortiq yo‘lning elektr tarmoqlari va signallariga zarar yetkazganini e‘lon qildi.

Qayd etish mumkin, Polshaning shimoli-g‘arbida bir millionga yaqin xonadon elektrsiz qolgan.

Niderlandiya qo‘riqlash xizmati Shimoliy dengizda 26 ta bo‘sh konteynerlarini qidirmoqda – ular sohil yaqinida Germaniyaga jo‘nab ketayotgan konteyner kemasidan yuvilib ketgan. Qidiruv ishlariga vertolyotlar va qayiqlar jalb qilingan, hududdagi kemalar ham dengizdagi konteynerlar haqida ogohlantirilgan.
 

• Niderlandiya
• Polsha
• Tabiiy ofat
• Yevropa
• Yunis