Yevroparlament deputatlari Qozog‘iston voqealari ustidan xalqaro tekshiruv o‘tkazilishi chaqirig‘i bilan rezolyutsiya qabul qildi.

“Yevropa ittifoqi va xalqaro hamjamiyat ikki haftalik namoyishlar vaqtida qozoq xalqiga qarshi sodir etilgan jinoyatlar, jumladan, Almati va Qozog‘istonning boshqa shaharlarida g‘oyib bo‘lishlar, qiynoqlar va o‘zboshimchalik bilan ushlab turishlar, shuningdek, voyaga yetmaganlar doxil, tinch namoyishchilarni jarohatlagan yoki halok qilgan snayperlar faoliyatiga oid  xalqaro tekshiruvni zudlik bilan boshlashi kerak” deyiladi rezolyutsiyada.

Hujjatda Yevropa Ittifoqi mamlakatlariga “Almatida 2022-yilning yanvarida namoyishchilar va huquqni himoya qilish organlari xodimlari o‘limi, shuningdek,boshqa tashkilotlarda inson huquqlari buzilishi  bilan bog‘liq fakt va holatlari risoladagidek tekshirilishini ta’minlash uchun Moskvaning KHSHT mexanizmiga ta’sir ko‘rsatish” taklif qilingan.

Yevroparlament respublika hukumatini inson huquqlari faollariga siyosiy tazyiqni zudlik bilan to‘xtatish, siyosiy sabablar qo‘yilgan ayblovlarni olib tashlash, asossiz ushlab turilgan namoyishchi va faollarni tezlikda ozod qilish, tinch namoyish o‘tkazish huquqiga kafolot berish, qurbonlar va hibsga olishlar bilan bog‘liq axborotni e’lon qilish kabi qator xalqaro me’yor doirasidagi adolatga chaqirgan

Deputatlar, prezident Qasim-Jo‘mart To‘qayev barcha namoyishchilarni “terrorchilar” sifatida qayd etishi va “ularni o‘ldirish” bilan tahdid qilishini qoralaydilar.

• Qozog‘iston
• Yevroparlament