Ma’lum qilinishicha, 2023-yil 30-noyabr holatiga ko‘ra, Rossiya bosqinidan so‘ng Ukrainani tark etgan 4,27 million fuqaro Yevropa Ittifoqi mamlakatlarida vaqtincha himoya ostida yashamoqda. Bu haqda Yevroittifoq statistika tashkiloti ma’lum qilmoqda.

Ukrainadan kelgan qochoqlarning asosiy qabul qiluvchilari – Germaniya (1 235 960 kishi, YeI hududidagi jami ukrainaliklarning 28,9 foizi), Polsha (955 110 kishi, 22,3 foiz) va Chexiya (369 330 kishi, 8,6 foiz) davlatlari bo‘lib turibdi.

2023-yilning oktyabri oxirlari bilan taqqoslaganda, qochoqlar kirib kelishining eng katta o‘sishi Germaniya (20 595 kishi), Chexiya (4 880 kishi) va Norvegiya (4 180 kishi) davlatlarida, kamayish esa Polsha (510 kishi), Italiya (160 kishi), Fransiya (125 kishi) va Lyuksemburg (15 kishi) davlatlarida kuzatilgan.

• Migratsiya
• Ukraina
• Yevroittifoq