Kuni kecha, 21-yanvar kuni Respublika miqyosida oʻtkazilgan “Yil tanlovi” jamoatchilik soʻrovnomasining yakuniy taqdirlash marosimi boʻlib oʻtdi.

“Oʻzbekfilm” anjumanlar zalida oʻtkazilgan marosimda turli vazirlik va idoralar xodimlari, davlat tashkilotlari aʼzolari, hokimlik vakillari, turli ommaviy axborot vositalarida faoliyat yurituvchi jurnalistlar, blogerlar va bir qator jamoatchilik faollari ishtirok etishdi.

Oʻzbekistonning eng faol jurnalistlari va blogerlari eʼtirofi asosida taʼsis etilgan mazkur tanlovda vazirlik va tashkilotlar, davlat va nodavlat tuzilmalari faoliyatiga baho berilib, jurnalistlar eʼtirofi asosida, qator nominatsiyalarda yilning eng yaxshilari va faollari aniqlandi.

Unga koʻra, “Yilning eng namunali vazirligi” eʼtirofi boʻyicha 1-oʻrinni Oʻzbekiston Respublikasi Adliya vazirligi qoʻlga kiritdi. 2-oʻrin esa Oʻzbekiston Respublikasi Turizm va sport vazirligiga nasib etdi.

“Yil Media Lideri” maqomiga esa Oʻzbekiston jurnalistika va ommaviy kommunikatsiyalar rektori Sherzodxon Qudratxoʻja munosib koʻrildi.

Oʻz navbatida, Qonunchilik palatasi deputati Kusherbayev Rasul Xidralievich “Yilning eng faol deputati” eʼtirofiga sazovor boʻldi.

Shuningdek, tanlovda “Oʻzbekistonda yil odami” sifatida futbol boʻyicha Oʻzbekiston Milliy terma jamoasi sardori, Italiyaning “Roma” klubi hujumchisi Eldor Shomurodov tan olindi.

Eldor Shomurodov nomidan mukofotni uning akasi Surxondaryo viloyati futbol assotsiatsiyasi vitse-prezidenti Sanjar Shomurodov qabul qilib oldi.

Bundan tashqari marosimda yana bir qator nominatsiyalar boʻyicha munosiblar eʼtirof etildi.

“Yilning eng namunali viloyat hokimligi”

I oʻrin — Samarqand viloyati

II oʻrin- Fargʻona viloyati hokimligi

“Yilning eng faol matbuot kotibi”

I oʻrin — Oʻzbekiston Respublikasi Bosh prokuraturasi matbuot kotibi -

Hayot Shamsutdinov;

II oʻrin — Oʻzbekiston Respublikasi Bandlik va mehnat munosabatlari vazirligi matbuot kotibi -

Mavjuda Mirzayeva;

III oʻrin — Prezident taʼlim muassasalari agentligi matbuot kotibi — Dilfuza Sobirova

“Eng namunali davlat tashkiloti”

I oʻrin — Davlat xizmatlari agentligi;

II oʻrin — Oʻzbekiston Respublikasi “Oʻzarxiv” agentligi;

III oʻrin — Davlat soliq qoʻmitasi huzuridagi Kadastr agentligi;

“Eng namunali jamoat tashkiloti”

I oʻrin — Oʻzbekiston Jurnalistlari ijodiy uyushmasi;

II oʻrin — Oʻzbekiston Notarial palatasi.

“Yilning eng faol siyosiy partiya yetakchisi”

“Milliy tiklanish” partiyasi raisi Alisher Keldiyevich Qodirov.

“Yilning eng yaxshi tashabbusi”

Doʻppi kiyish aksiyasi — Ozodbek Nazarbekov (Madaniyat vazirligi)

“Yil ayoli” – “Qishloq ayollari”

• Jurnalistika
• O‘zbekiston