“Oʻzbekkoʻmir” AJ tomonidan 2021-2022 yillar kuz-qish mavsumi uchun respublika byudjet tashkilotlariga 450 ming tonna, aholi isteʼmolchilari uchun 705 ming tonna mahalliy koʻmir yetkazib berish rejalashtirilgan. Bu haqda Energetika vazirligi maʼlum qildi.

Ushbu rejalarni toʻlaqonli bajarish uchun kon ustini ochish va koʻmir qazib olish hajmlari tobora oshirilmoqda.

Keltirilishicha, joriy yilning 9 oyi yakunlariga koʻra, kon ustini ochish ishlari 22,4 mln. kubometrni tashkil etgan yoki oʻtgan yilning mos davriga nisbatan 1,4 barobarga oshgan.

Toʻqqiz oyda koʻmir qazib chiqarish 3,4 mln. tonnaga teng boʻlgan. Yoki oʻtgan yilning mos davriga nisbatan 1,4 barobarni tashkil etgan. Natijada respublika byudjet tashkilotlarini kuz-qish mavsumi uchun koʻmir bilan taʼminlash rejasi 16 avgust kuni muddatidan avval bajarilgan.

23-noyabr holatiga respublika aholisiga 714,7 ming tonna mahalliy koʻmir mahsulotlari tarqatilib, bu boradagi tasdiqlangan reja ham ortigʻi bilan uddalangan. Ushbu koʻrsatkich oʻtgan yildagiga nisbatan solishtirilganda, oʻtgan yil shu davrgacha aholiga 461,2 ming tonna koʻmir mahsulotlari yetkazib berilgan.

Taʼkidlanishicha, “Oʻzbekkoʻmir” AJda aholi talabidan kelib chiqib, yil oxirigacha yana 150,0 ming tonna qoʻshimcha ravishda koʻmir mahsulotlari yetkazib berishni rejalashtirilmoqda.

Maʼlum qilinishicha, koʻmir mahsulotlari “Koʻmir taʼminot” MChJga qarashli 102 ta koʻmir ombori va shahobchalari orqali tarqatilyapti. Ushbu ombor va shahobchalarda 23-noyabr holatiga 18 ming koʻmir zaxirasi mavjud.

• Energetika_vazirligi