Oliy sud matbuot xizmati rahbarining Platina.uz saytiga ma’lum qilishicha, 2023-yil 7-noyabr kuni jinoyat ishlari bo‘yicha Yashnobod tumani sudining ajrimi bilan quyidagilarga nisbatan qamoqqa olish ehtiyot chorasi qo‘llanilgan:

Y.X.To‘raqulov nomidagi respublika ixtisoslashtirilgan endokrinologiya ilmiy-amaliy tibbiyot markazi direktorining davolash ishlari bo‘yicha o‘rinbosari F.H.;

Ushbu markaz laboratoriya mudiri, katta ilmiy xodim, Sog‘liqni saqlash vazirligi bolalar bosh endokrinologi N.A.;

16-noyabr kuni Sog‘liqni saqlash vazirligi dori vositalari, tibbiy buyumlar va jihozlar muomalasini tartibga solish va muruvvat yordamini muvofiqlashtirish boshqarmasi boshlig‘i H.G‘.

Shuningdek, ushbu vaziyat prezident tomonidan nazoratga olingan. Sog‘liqni saqlash vaziri o‘rinbosari esa bolalar ovqat yoki doridan zaharlanmaganini aytgandi.

Hozirda antistrumin dorisini ishlab chiqargan korxona rahbari xalqaro qidiruvda ekani ma’lum.

• Dori
• Zaharlanish