Fargʻona viloyatidagi toʻylardan birini ijtimoiy tarmoqlarda tomoshaga aylantirgan kuyovnavkarlar toʻy kortejida tuman koʻchalarida sayr qilishgan. Ular yoʻl harakati qoidalarini qoʻpol ravishda buzishgan.

Tumandagi Mustaqillik koʻchasida 10 dan ortiq transport vositalarida yoʻl harakati qoidalariga boʻysunmay harakatlangan yigitlarga boshqa transport vositalarning erkin harakatlanishiga xalal berib, jamoat joylarida yurish-turish qoidalarini buzganliklari uchun tegishli tartibda chora koʻrildi.

Fargʻona viloyati IIB Jamoat xavfsizligi xizmati, Yoʻl harakati xavfsizligi boshqarmasi tomonidan shu kunning oʻzida huquqbuzarlar shaxsiga oydinlik kiritilib, transport vositalari vaqtinchalik jarima maydonchasiga olib ketildi.

Sud 16 nafar shaxsning sodir etgan huquqbuzarliklari boʻyicha ularning har biriga 15 sutkadan maʼmuriy qamoq jazosini tayinladi.

• Farg‘ona
• IIB
• Jarima
• Sud
• YHXB