Bu haqida Davlat bojxona qo‘mitasi xabardoruz'ga ma’lum qildi. 

Ta’kidlash joizki, tovar-moddiy boyliklarni yuk hujjatlarida qayd etilmagan holda yurtimiz hududiga olib kirish holatlarini bojxonachilar muntazam tarzda fosh etishmoqda.
Ma’lumotlarga ko‘ra, yuk konteynerida yashirilgan avtomobil fosh bo‘lgan. 
Xususan, Toshkent shahar bojxona boshqarmasi “Chuqursoy texnik idorasi” temir yo‘l chegara bojxona posti xodimlari tomonidan xorijdan keltirilgan yuk konteyneri belgilangan tartibda bojxona ko‘rigidan o‘tkazilgan. 
Natijada, yo‘l yuk kuzatuv hujjatlarida ko‘rsatilmagan taxminiy qiymati 200 mln. so‘mlik, 2019-yilda ishlab chiqarilgan 5 o‘rinli elektromobil transport vositasi borligi aniqlangan. 
Davlat bojxona qo‘mitasining xabar berishicha, hozirda mazkur holat yuzasidan surishtiruv harakatlari olib borilmoqda.

• Bojxona
• Elektromobil