Qayd etilishicha, harakat 2019-yildan hozirgi paytgacha 100 nafar rahbarning nomini ro'yxatga kiritgan. Ulardan 15 foizi vazir va vazir o'rinbosari lavozimiga ko'tarilgan. 10 foizi esa Prezident adminstratsiyasida turli lavozimlarda faoliyat yuritmoqda. Yana 50 foizining mansabi yuqorilagn.

Bu yil reytingga ilk bor nodavlat sektor vakillari ham kiritilgan. Jumladan, Xalqaro press-klub raisi Jaloliddin Usmonov, O‘zbekiston Milliy media assotsiatsiyasi Bosh direktori Abduaziz Abutolipov, Milliy mass-mediani qo‘llab-quvvatlash va rivojlantirish jamoat fondi Vasiylik kengashi raisi Nozima Davletova, “Zamin” xalqaro jamoat fondi direktori Tamila Aliyeva reytingdan joy olgan.

Shuningdek, 8 nafar rahbar reytingga birinchi bor kiritilgan:

Adilbek Allanazarov (35 yosh) — Qoraqalpog‘iston Respublikasi yoshlar siyosati va sport vaziri;

Bobur Bekmurodov (38 yosh) — “Yuksalish” umummilliy harakati raisi;

Murod Ismoilov (40 yosh) — yoshlar siyosati va sport vaziri o‘rinbosari;

Oybek Hamroyev (40 yosh) — investitsiyalar, sanoat va savdo vaziri o‘rinbosari;

Rasul Zarikeyev (38 yosh) — Qoraqalpog‘iston Respublikasi turizm va madaniy meros vaziri;

Umid Mamadaminov (40 yosh) — energetika vaziri o‘rinbosari;

Shuhrat Xudoyqulov (39 yosh) — Uzbekistan Airways AJ boshqaruvi raisi;

Sherzod Rabiyev (40 yosh) — adliya vaziri o‘rinbosari.

Umuman olganda, bugungi kunda 21 nafar vazirdan 8 nafari (38 foizi) – 35 yoshdan 45 yoshgacha, 5 nafari (24 foizi) – 46 yoshdan 50 yoshgacha, 3 nafari (14 foizi) – 51 yoshdan 55 yoshgachadir. Hokimlarning o'rtacha yoshi 46 yoshni tashkil etadi.

• Yuksalish