Prezidentning tegishli farmoni bilan 2022-yil 1-yanvardan ayrim davlat xizmatlarini ko‘rsatishda undiriladigan davlat bojlari, yig‘imlar va boshqa to‘lovlar miqdorlari kamaytiriladi.

Unga ko‘ra, 2022-yil 1-yanvardan ko‘rsatilishi uchun undiriladigan davlat bojlari, yig‘imlar va boshqa to‘lovlar miqdori kamaytiriladigan davlat xizmatlari:  

– Advokatlik byurolarini, advokatlik firmalarini va advokatlar hay’atlarini davlat ro‘yxatidan o‘tkazish – BHMning 1 baravari (avval BHMning 2 baravari);

– Xo‘jalik yurituvchi sub’yektlarning ustav fondidagi (ustav kapitalidagi) aksiyalarni (ulushlarni) olishga doir bitimlarga oldindan rozilik berish – BHMning 7 baravari (avval BHMning 10 baravari);

– Xo‘jalik yurituvchi sub’yektlarni qo‘shib yuborish va qo‘shib olishga doir bitimlarga oldindan rozilik berish –BHMning 7 baravari (avval BHMning 10 baravari);

– O‘zbekiston Respublikasining fuqarolariga xorijga chiqish uchun biometrik pasport berish – BHMning 1 baravari (avval BHMning 1,2 baravari);

– O‘zbekiston Respublikasi fuqarolariga, chet ellik fuqarolarga va fuqaroligi bo‘lmagan shaxslarga O‘zbekiston Respublikasiga taklif qilish to‘g‘risidagi hujjatlarni berish – BHMning 5 foizi (avval BHMning 10 foizi);

– Xususiy bandlik agentliklari reyestriga kiritish – Bepul (avval BHMning 1 baravari);

– Tadbirkorlik subyektlariga davlat ro‘yxatidan o‘tkazilganligi to‘g‘risida yangi namunadagi guvohnoma berish – BHMning 1 baravari (avval BHMning 20 foizi);

– O‘zbekiston Respublikasining tegishli diplomatik vakolatxonalari va konsullik muassasalari tomonidan amalga oshirilgan notarial harakatlar uchun undiriladigan gerb blankasi uchun yig‘im – Bepul (avval 5 AQSH dollari).

• O‘zbekiston
• Pasport