Joriy yilning 14 – 17-dekabr kunlari o‘tkazilgan “Zakovat” olimpiadasi o‘z yakuniga yetdi.

Umumjamoa hisobida quyidagi jamoalar Intellektual olimpiadaning birinchi tarixiy sovrindorlari bo‘lishdi:

– 1-o‘rin: Qarshi davlat universiteti;
– 2-o‘rin: Toshkent tibbiyot akademiyasi;
– 3-o‘rin: Toshkent davlat pedagogika universiteti.

G‘olib bo‘lgan Oliy taʼlim muassasalari quyidagi ko‘rinishda Prezident sovrini bilan taqdirlanadi:

– 1-o‘rin: Universitet talabalari uchun zamonaviy kutubxona;
– 2-o‘rin: 100 ta monoblok;
– 3-o‘rin: 100 ta noutbuk.

Shuningdek:

Intellektual olimpiada g‘olib va sovrindorlari bo‘lgan talabalar chet elda malaka oshirish, stajirovka o‘tash yoki magistratura va PhD dasturlari bo‘yicha taʼlim olishga yuboriladi;

Davlat xizmatini rivojlantirish agentligi Intellektual olimpiada g‘olib va sovrindorlarini o‘z mutaxassisligi bo‘yicha kadrlar zaxirasiga oladi.

“Zakovat Intellektual Olimpiadasi” shaxmat yo‘nalishida Butunjahon shaxmat olimpiadasi g‘olibi Nodirbek Yakubboev va “Khiso_chess” shaxmat maktabi o'qituvchisi Sitora Saparova g‘olib bo‘ldi va har biri 30 mln. so‘mdan mukofot puli bilan taqdirlandi.

• Olimpiada
• Zakovat