Ukraina prezidenti Volodimir Zelenskiy AQSH Kongressining yuqori va quyi palatasi oldida video nutq so‘zlamoqchi. Bu haqda Vakillar palatasi va Senatdagi yetakchilar ma’lum qilgan.

“Biz Vakillar palatasi va Senatning barcha a’zolarini 16 mart, chorshanba kuni soat 9:00 da (Toshkent vaqti bilan 20:00) Ukraina prezidenti Volodimir Zelenskiyning AQSH Kongressiga virtual murojaatida ishtirok etishga taklif qilamiz”, – deyiladi Nensi Pelosi va Chak Shumer tomonidan imzolangan maktubda.

Qayd etilishicha, bugun, 14 mart kuni Ukraina rahbarining Yevropa Kengashi Parlament Assambleyasi (PAEU) sessiyasida nutq so‘zlashi kutilgan, biroq bu amalga oshmagan.

Assambleya spikeri Tini Konsning aytishicha, Zelenskiy o‘rniga bosh vazir Denis Shmigal so‘zga chiqadi.

Qayd etish mumkin joriy yilning 24 fevral kuni Rossiya prezidenti Vladimir Putin LXR va DXR rahbarlarining yordam so‘roviga javoban Donbassni himoya qilish bo‘yicha maxsus harbiy operasiya o‘tkazilishini ma’lum qilgan edi.

Shundan so‘ng, tomonlar uch marta o‘zaro muzokara o‘tkazdi. Biroq hali aniq bir qaror imzolanmagan.

• AQSh
• Ukraina
• Yevroparlament
• Zelenskiy