Ukraina prezidenti Vladimir Zelenskiy Amerika Qo‘shma Shtatlari Ukraina mineral zaxiralarining 50 foizini olish huquqini beruvchi shartnomani imzolashdan bosh tortdi. Bu haqda The Washington Post sharhlovchisi Josh Rogin X tarmog‘ida ma’lum qildi.

“Myunxendagi bir nechta qonunchilar menga AQSh Kongressi delegatsiyasi Zelenskiyga imzo chekmoqchi bo‘lgan qog‘ozni topshirganini va AQShga Ukrainaning kelajakdagi mineral zaxiralarining 50 foiziga huquq berishini aytishdi. Zelenskiy xushmuomalalik bilan uni imzolashdan bosh tortdi”, - dedi jurnalist.

Amerikalik senator Brayan Shats Myunxenda Vladimir Zelenskiy bilan uchrashgandan so‘ng, AQSh prezidenti Donald Trampning taklifi qayta ko‘rib chiqilishi kerakligini aytdi, ammo tafsilotlar haqida gapirishdan bosh tortdi. Shuningdek, u Zelenskiyning bitimning bir tomonlama ekanligi to‘g‘risidagi da’volari adolatli ekanligini aytdi.

• AQSh
• Ukraina
• Zelenskiy