“Zoom pandemiyadan keyin ham o‘sishda davom etadi” — kompaniya vakili rivojlanish sabablarini aytdi.

Zoom an’anaviy va masofadan ishlashning gibrid rejimi ommaboplashuvi tufayli hatto pandemiyadan keyin ham o‘sishda davom etadi.

Bu haqida kompaniyaning Osiyo-Tinch okeani bo‘limi rahbari Riki Kapur CNBC’ga bergan intervyusida aytib o‘tgan.
Bo‘lim rahbarining ta’kidlashicha, pandemiyadan keyin korxonalarning hozirda sarmoya kiritayotgan uchta sohada katta siljish sodir bo‘ladi. Bu esa kompaniyaning o‘sishi va dolzarbligini rag‘batlantiradi.

Birinchidan, kompaniyalar yanada inklyuziv, hamkorlikka asoslangan va gibrid ish muhitini yaratish haqida o‘ylaydi.
“Ishchilar yanada moslashuvchan ish jadvallarini va qayerda bo‘lmasin, muammosiz ishlay olish imkoniyatini talab qilmoqdalar”, — deb tushuntirgan Kapur.

Ikkinchidan, kompaniyalar mijozlari bilan o‘zaro munosabatlarini qayta ko‘rib chiqmoqda, chunki ular ko‘proq qulaylik talab qiladi.

Uchinchidan, raqamli kompaniyalar, ayniqsa, ta’lim va sog‘liqni saqlash sohalarida yangi mijozlarga erishishga yordam beradigan xizmatlarni taklif qilish uchun o‘zlarining innovatsion platformalarini qurmoqda.

Qayd etilishicha, Zoom’ning uchinchi chorakdagi daromadlari 2020-yilning shu davriga nisbatan 35 foizga, ikkinchi chorakdagi daromadi esa 54 foizga oshgan. Gibrid ishga o‘tish bilan birga, odamlar aloqa moslashuvchanligi uchun ko‘proq intiladi.

Kompaniya direktorining aytishicha, Zoom biznesi ikki yildan kamroq vaqt ichida noldan 2 million foydalanuvchigacha o‘sib, eng tez rivojlanayotgan bulutli xizmatlardan biriga aylangan. “Raqamlar bizga mijozlarning hali ham investitsiya qilishini va pandemiyadan keyin Zoom’ga sarmoya kiritishda davom etishidan dalolat beradi”, - degan kompaniya rahbari.

• texnologiya