Zoom o‘zining video platformasida foydalanish uchun Liminal startapi tomonidan yaratilgan keng ko‘lamli onlayn tadbirlarni tashkil qilish vositalarini sotib olgan.

Qayd etilishicha, ZoomOSC va ZoomISO videoxizmati uchun kengaytmalar kompaniya dasturiy ta’minotiga integratsiya qilinadi. Xususan, ZoomOSC Zoom’ga uchinchi tomon dasturlari, apparat kontrollerlari va media serverlari bilan integratsiya qilish imkonini berishi ta’kidlangan.

Shuningdek, ZoomISO har bir ishtirokchining videosini eksport qilish va professional uskunaga, shu jumladan HD formatida chiqarish imkonini beradi.

Zoom vakillarining ta’kidlashicha, xarid videoxizmatga tadbirlarni boshqarishning an’anaviy va yangi shakllari o‘rtasidagi tafovutni bartaraf etishi mumkin. Bundan tashqari, yangi funksiya teatrlar va eshittirish studiyalari kabi professional ko‘rsatuvlarni qadrlaydigan barcha tashkilotlar uchun foydali bo‘lishi aytilmoqda.

• Zoom
• texnologiya