“Montajchi” UK’ning 3 mlrd. so‘mdan ziyod qarzdorligi uning debitori “Muborakneftgaz” MChJ’dan undirildi. 

MIB’ning Chilonzor tuman bo‘limi ish yurituvida “TOSHNEFTEGAZQURILISH” AJ tarkibidagi “Montajchi” UK’dan sud hujjatlariga asosan jami 3 mlrd. 415 mln. 296 ming. 300 so‘m soliq qarzi undirish to‘g‘risida qo‘zg‘atilgan ijro ishlari mavjud bo‘lgan. 

Mazkur ijro ishlari yuzasidan olib borilgan majburiy ijro harakatlari davomida, qarzdorning “Muborakneftgaz” MChJ’da 4 mlrd. 625 mln. 701 ming. 881,85 so‘m debitor qarzi mavjudligi aniqlangan.

Ayni paytdagi amalda bo‘lgan qonun talablaridan kelib chiqib, “TOSHNEFTEGAZQURILISH” AJ tarkibidagi “Montajchi” UK’dan sud hujjatlariga asosan undirilishi lozim bo‘lgan jami 3 mlrd. 415 mln. 296 ming 300 so‘m soliq qarzi bo‘yicha “O‘zbekneftgaz” AJ’ning hisob raqamiga inkasso topshiriqnomasi qo‘yilgan va soliq qarzdorligi to‘liq undirilib, Chilonzor tuman Davlat soliq inspeksiyasining tegishli hisob raqamlariga o‘tkazib berilgan. 

Eslatib o‘tamiz, davlat ijrochisi o‘zaro hisob-kitoblarning solishtirma dalolatnomasi asosida debitorning hisob varaqlariga qarzdorning qarzi summasini debitorning qarzdor oldidagi qarzidan oshmaydigan miqdorda undirish to‘g‘risida inkasso topshiriqnomasini taqdim etadi, deb belgilangan.