Joriy yilning 5-iyun kuni soat taxminan 11:30 larda, Toshkent viloyati, Yangiyo‘l tumani, “Baytish” MFY hududidan o‘tgan D-022 “Nurafshon — Oqqo‘rg‘on — Yangiyo‘l” avtomobil yo‘lining 57-kilometrida haydovchi 1995-yilda tug‘ilgan K.T. MAN TGS rusumli yuk avtomobilini boshqarib ketayotgan vaqtida haydovchiga nisbatan o‘ng tomondan chap tomonga harakatlanib o‘tayotgan velosipedchi 2016-yilda tug‘ilgan Y.E.ni urib yuborib yo‘l-transport hodisasi sodir etgan.

Ushbu yo‘l-transport hodisasi natijasida velosipedchi bola turli ko‘rinishdagi tan jarohatlari olib shifoxonaga yotqizilgan.

Hozirda holat yuzasidan Yangiyo‘l tumani IIB huzuridagi Tergov bo‘limi tomonidan tergov harakatlari olib borilmoqda.

• Kamaz
• Toshkent viloyati
• YTH