38°
Kechasi 24°
UFC super yulduzi Konor Makgregorning murabbiyi Jon Kavana to‘rt nafar yengil vazn toifasi yetakchilari ishtirokida musobaqa o‘tkazishni taklif qildi. Bu haqda MMA Junkie nashri xabar bermoqda.
Qayd etilishicha, Jon Kavana o‘zining Twitter’dagi sahifasida Konor Makgregor—Jastin Getji va Habib Nurmagomedov—Toni Fergyuson janglarini avgust oyidagi musobaqada o‘tkazishni taklif qilgan.
Ta’kidlanishicha, bu UFC 249 turnirining yarim finallari bo‘ladi. Murabbiy finalni yil yakunida o‘tkazishni, shu orqali yengil vaznning eng kuchli vakilini aniqlashni taklif etgan.
“Hozircha UFC bu musobaqaga rasmiy turnir maqomini berishni istamayapti, ammo Kavananing taklifi haqiqatga yaqin. Agar kelgusi oylarda normal hayot izga tushsa, bu taklifni o‘ylab ko‘rish mumkin”, deyiladi xabarda.
Oldinroq UFC 249 musobaqasi koronavirus sabab noma’lum sanaga qoldirilgani haqida xabar bergandik.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
