G‘arb ommaviy axborot vositalari Fransiya va Italiya AQSh tomonidan ilgari surilgan “Patriot” tizimlarini Ukrainaga yetkazib berish g‘oyasi uchun pul to‘lamoqchi emaslar.

Donald Tramp tomonidan e’lon qilingan rejaga ko‘ra, Yevropa davlatlari Ukraina uchun qurollarni sotib olishi kerak edi. Ammo bir qator hukumatlarga yaqin manbalar Fransiya va Italiya ushbu tashabbusga qo‘shilmaslikka qaror qildi deb yozmoqda. Avvalroq Chexiya Bosh vaziri Pyotr Fiala ham Chexiyaning ushbu jarayonlarda qatnashmasligini ma’lum qilgan edi.

“Politico” nashrining ma’lumotlariga ko‘ra, Fransiya prezidenti Emmanuel Makron mahalliy ishlab chiqaruvchilardan qurol sotib olib, fransuz mudofaa sanoatini rivojlantirishni xohlamoqda.

14-iyul kuni Tramp NATO yig‘ilishi doirasida Yevropa davlatlari Amerika qurollarini, birinchi navbatda “Patriot” zenit-raketa tizimlarini sotib olib, Ukrainaga topshirishi to‘g‘risida e’lon qildi.

Bir qator mamlakatlar allaqachon bu taklifga qarshiligini e’lon qilgan bo‘lsa-da, Germaniya, Daniya, Shvetsiya va Niderlandiya kabi davlatlar ushbu loyihada ishtirok etishga tayyor ekanliklarini bildirishgan.

• Fransiya
• Italiya
• Jorjo Meloni
• Makron