Barchamiz uchun sevimli filmlar yaratgan Uolt Disney kompaniyasi bundan 96 yil avval, ya’ni 1923-yil 16-oktabrda aka-uka Uolter va Roy Disneylar tomonidan kichik animatsion studiya sifatida ish boshlagan. Keyinchalik ular tarmoqni kengaytirib istirohat bog‘larini ham tashkil etishgan.
 
Kompaniya ishlagan birinchi film “Alisaning dengizdagi bir kuni” deb atalib, 1924-yil 1-martda ekran yuzini ko‘rgan. Mazkur multfilm Lyuis Kerollning “Alisa mo‘jizalar mamlakatida” nomli asari asosida yaratilgan. Keyinchalik 1926-1927-yillarda bu kitob asosida 56 ta film ishlangan. Ulardan biriga Uolt “Alisa multiplikatsiya olamida” deb nom qo‘ygan.
 
Ularga katta shuhrat olib kelgan multqahramon bu, albatta, Mickey Mouse. Bu qahramon ishtirokidagi ilk multfilm 1928-yil 19-sentabr kuni Nyu-York shahrida namoyish etilgan. 

Quyidagi havolada Mickey Mouse haqida batafsil o‘qing

Hozirda Uolt Disney kompaniyasining bosh ofisi AQShning Kaliforniya shtatida joylashgan. Kompaniyaning 2018-yil sentabr oyidagi kapitali 235 milliard dollarni tashkil etgandi. 

Kompaniya asoschisi Uolter Elias Disney hayoti haqidagi ma’lumotlarni bu yerda o‘qing.