Hozirgi xavfsizlik vaziyati munosabati bilan Isroilni mustaqil ravishda tark etish istagida bo‘lgan O‘zbekiston fuqarolari quyidagi nazorat-o‘tkazish punktlari orqali mamlakatni tark etishlari mumkin:

– “Menahem Begin” / “Taba” — Isroil-Misr chegarasida joylashgan (Isroilning Eylat va Misrning Taba shaharlari o‘rtasida);

– “Shayx Husayn” — Isroil-Iordaniya shimoliy chegarasida joylashgan (Isroilning Bayt-Shean va Iordaniyaning Irbit shaharlari o‘rtasida);

– “Itsxak Rabin” / “Vadi Arava” — Isroil-Iordaniya janubiy chegarasida joylashgan (Isroilning Eylat va Iordaniyaning Akaba shaharlari o‘rtasida).

Barcha ko‘rsatilgan chegara punktlari hozirda odatiy tartibda (24 soat) faoliyat ko‘rsatmoqda.

1. Misr orqali:

“Menahem Begin”/“Taba” nazorat-o‘tkazish punkti (Eylat sh.)

– O‘zbekiston fuqarolari ushbu punktni kesib o‘tib, Misrga vizasiz (“Sinay kirish muhri” orqali) kira oladilar. “Sinay kirish muhri” - 14 kungacha faqat Sinay yarim oroli hududida bo‘lish huquqini beradi (Qohira va boshqa shaharlarga safar qilish mumkin emas).

– 21 yoshga to‘lmagan fuqarolarga ota yoki onalaridan biri hamrohlik qilishi shart.

– Tabadan Sharm ash-Shayxgacha (270 km) avtobus yoki avtomobillarda harakatlanish imkoniyati mavjud.

Aviaqatnovlar (Sharm ash-Shayx aeroportidan):

– “UzAirways”: Haftasiga 3 marta (seshanba, chorshanba, shanba, soat 12:35) Toshkentga.

– “Turkish Airlines”: Har kuni 1 yoki 2 marta Istanbulga (Istanbul xalqaro aeroportiga) (Toshkentga tranzit).

– “Pegasus Airlines”: Har kuni 1 yoki 2 marta Istanbulga (“Sabiha Gyokchen” aeroportiga) (Toshkentga tranzit).

2. Iordaniya orqali:

“Shayx Husayn” (Bayt-Shean sh.) yoki “Itsxak Rabin”/“Vadi Arava” (Eylat sh.) nazorat-o‘tkazish punktlari:

Ushbu punkt orqali Iordaniya poytaxtigacha borib, keyin quyidagi aviayo‘nalishlardan foydalanish mumkin:

– “Ummon – Istanbul – Toshkent”

– “Ummon – Dubay – Toshkent”.

• Elchixona
• Isroil
• O‘zbekiston