Fransiyaning Insurly internet nashrida sayyohlar uchun eng xavfsiz davlatlar reytingi e’lon qilingan. Mazkur reytingga 180 ta davlat kiritilgan bo‘lib, unda O‘zbekiston 46-o‘rinni egallagan.
“Insurly”da ta’kidlanishicha, reytingni tuzishda nafaqat zo‘ravonlik (qotillik, terrorizm) bilan bog‘liq ma’lumotlar, balki sog‘liqni saqlashga oid holatlar (epidemiya, asosiy sanitariya holati, havo sifati va boshqalar) hamda transport xavfsizligi ham e’tiborga olingan.
Yuqorida sanab o‘tilganlar asosida davlatlar 100 ballik tizimda baholangan. Birinchi o‘rinni 93.4 ball bilan Shveysariya, ikkinchi o‘rinni esa 92.7 ball bilan Singapur, uchinchi o‘rinni 91.1 ball bilan Norvegiya davlati egallagan.
Reytingning kuchli o‘ntaligini Lyuksemburg, Kipr, Islandiya, Daniya, Portugaliya kabi davlatlar tashkil etadi.
O‘zbekiston mazkur reytingda 100 balldan 70.3 ball to‘plagan. Bu jarayonda sayyohlarning har xil tabiiy ofatlardan himoyalanish darajasi 25, transport xavfsizligi 67 ball, tibbiy himoyalanishi 81 ball, turli zo‘ravonliklardan himoyalanishi esa 79 ball bilan baholangan. Ushbu ko‘rsatkichlar Mustaqil davlatlar hamdo‘stligidagi va Markaziy Osiyo davlatlar uchun eng yuqori natija hisoblanadi.
Markaziy Osiyo davlatlari orasida O‘zbekistondan keyin ikkinchi o‘rinda Turkmaniston qayd etilgan. Uning turli zo‘ravonliklardan xavfsizlik darajasi 44, transport xavfsizligi 56, tibbiy xavfsizligi 89 va tabiiy ofatlardan himoyalanganligi 48 ball bilan baholangan. Umumiy hisobda 64.8 ball to‘plagan va reytingda 60-o‘rinda qayd etilgan.
Qozog‘iston Respublikasi esa umumiy hisobda 59.4 ball to‘plagan va 71-o‘rin deb belgilangan. Zo‘ravonliklardan xavfsizlik darajasi 40, transport xavfsizligi 43, tibbiy xavfsizligi 77 va tabiiy ofatlardan himoyalanganligi 75 ball bilan baholangan.
Markaziy Osiyo davlatlaridan Tojikiston 93-o‘rinda, Qirg‘iziston 106-o‘rin deb ko‘rsatilgan.
MDH davlatlaridan Belarus Respublikasi 48-o‘rinda, Ozarbayjon 52-o‘rinda, Moldava 66-o‘rinda, Gruziya 68-o‘rinda, Armaniston 72-o‘rinda, Ukraina 83-o‘rinda, Rossiya 86-o‘rin deb belgilangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!