Rossiya Premyer ligasining 10-turidan o‘rin olgan “SSKA” va “Axmat” jamoalari uchrashuvi yakunlandi. Ushbu o‘yinda 3-0 hisobida mezbonlar g‘alabaga erishdi. Muhim jihati shundaki  bellashuvning 19-daqiqasida 20 yoshli o‘bekistonlik futbolchi Abbosbek Fayzullayev jarima maydonchasi tashqarisidan aniq va murakkab zarba yo‘llab hisobni ochdi.

Jamoalar tanaffusga chiqishi oldidan Kellven hisobdagi farqni oshirdi. Tanaffusdan so‘ng uchrashuvning 50-daqiqasida Fayzullayev o‘zining ikkinchi goliga mualliflik qildi. Natijada hamyurtimiz bugungi uchrashuvning eng yaxshi o‘yinchisi deya e’tirof etildi.

Ushbu o‘yindan so‘ng Abbosbek Fayzullayevning statistikasi 2ta gol va 2ta assist ko‘rinishida bo‘lib turibdi. “SSKA” jamoasi esa Rossiya Premyer ligasida 4-o‘ringa chiqib oldi.

• Abbosbek Fayzullayev
• Futbol
• Rossiya