Camarade, Nissan Qashqai, Jetto: mashhur mashinalar nimaga asoslanib bunday nomlangan?

Ko‘pgina avtomobil modellarining nomlari ma’lum bir tarixga ega. Masalan, Touareg mashina brendi Afrikaning shimolida yashovchi tuareg xalqi sharafiga qo‘yilgan (bu yerning erkaklari uyida ham yuzini mato bilan o‘rab yuradi). 

“Volkswagen” kompaniyasining deyarli, barcha mashinalari nomi yer yuzidagi tezkor shamollar sharafiga qo‘yilgan

Scirocco. Afrika sahrosidan Yevropa tomon esuvchi issiq shamol nomidir.

Jetta. Ingliz tilidan jet stream – jet oqimi deb tarjima qilinadi. Bu troposfera va stratosferadagi yuqori tezlikka ega bo‘lgan ingichka havo oqimi.

Passat. Shimoliy yarimsharda – shimoli-sharqdan, janubda – janubi-sharqdan yil davomida esib turuvchi tropik shamol hisoblanadi. 

Boshqa avtoulov brendlari ham mashinalariga shunchaki nom qo‘ymagan: Eron ko‘chmanchilari hisoblanuvchi turkiyzabon Qashqay qabilasining nomiga asoslanib, Nissan Qashqai mashinalari ishlab chiqarila boshlangan.  

Chevroletning Camaro modeli Camarade so‘ziga asoslangan bo‘lib, bu atama “jangovar do‘st” yoki “ittifoqdosh” degan ma’noni anglatadi. 

Shuningdek, ba’zi bir avtomobil nomlarida har xil qisqartmalar mavjud: Audi TT – Tourist Trophy yoki Dodge SRT – Street Racing Technology.

Bugungi kunda mashinalarga nom berish murakkablashib bormoqda. Shuning uchun, ko‘plab kompaniyalar nemis brendi Audi’ga o‘xshab mashinalarni Q3, Q5, Q7 kabi harf va son birikmalari bilan bir muncha sodda tarzda nomlashmoqda. 

Hozirgi vaqtda mashinalarga nom berish bo‘yicha bir qancha komissiyalar ishlamoqda. Ular yangi mashinalarga munosib nom topish uchun, ko‘pincha, odamlar orasida tanlovlar o‘tkazadi. Albatta, bunday vaziyatlarda mualliflik huquqlariga to‘liq amal qilinadi. Tanlovda g‘oliblar munosib ravishda mukofotlanadi va ular mashina modelidagi nomning mag‘rur egasiga aylanishadi.