Ekspertlar ichak mikroflorasini qayta tiklashda dorivor vositalardan yaxshiroq samara bera oladigan mahsulotlar borligini ma’lum qilishdi. 

Odam ichaklarida millionlab bakteriyalar mavjud va ularning hammasi ham foydali emas. Turli kasalliklar tufayli ichaklarda zararli mikroorganizmlar ko‘payib ketadi, ular ichak faoliyatini buzadi va umumiy holatga yomon ta’sir ko‘rsatadi. 

Bunga ko‘p hollarda noto‘g‘ri ovqatlanish va antibiotiklar ichish sabab bo‘lishi mumkin. Shifokorlar saraton kasalliklari, astma, kolit, ekzema, qandli diabet va skleroz kasalligida ham ichaklar ishi izdan chiqishini ta’kidlashadi.

Ushbu muammolardan xalos bo‘lish uchun taomnoma tarkibida pektin va kletchatka bo‘lsa yetarli. Mazkur moddalar ovqat hazm qilish jarayoniga yordam beradi. Sabzavotlar, mevalar va don-dun mahsulotlari asosini kletchatka tashkil qiladi. Pektinni esa qora smorodina, lavlagi, olma, olxo‘ri, o‘rik va qovoq tarkibidan istalgancha topish mumkin.