2019-2020 o‘quv yilida OTM larining bakalavriat ta’lim yo‘nalishlariga qabul uchun o‘tkazilgan test sinovlari yakunlari: tahlillari, yutuqlari va kamchiliklariga bag‘ishlangan brifing tashkil etildi, deya Xabardor.uz muxbiri xabar bermoqda.

Tadbirda markazning mutassadilari ishtirok etib, bu yilgi test sinovlarida yo‘l qo‘yilgan xato va kamchiliklar, yutuqlar borasida so‘z yuritishdi va test jarayonlari uchun sarflangan mablag‘larning aniq summasi aytib o‘tildi.

Unga ko‘ra:

-  Eng tezkor printerlar uchun 840 mln 970 ming 316 so‘m;

-  Kitob tikadigan vositalar 199 mln 988 ming 154 so‘m;

-  Katta quvvatli serverlar xarid qilish va ularni o‘rnatish, ishga tushirish uchun 1 mlrd 204 mln 206 ming   244 so‘m;

-  Binolar ijarasi uchun esa 1 mlrd 942 mln 706 ming 950 so‘m (faqatgina Toshkent shahridagi binolar uchun);

-  Guruh nazoratchilari uchun oylik 9 mlrd 14 mln 745 ming 717 so‘m 50 tiyin;

-  Guruh nazoratchilari uchun tushlik 763 mln 374 ming 250 so‘m;

-  Mobil aloqa vositalari to‘lqinlarini to‘suvchi qurilmalar uchun 688 mln 121 ming 120 so‘m;

-   Ichimlik suvi uchun 880 mln 494 ming 710 so‘m;

-  Sharikli ruchkalar uchun 336 mln 357 ming 552 so‘m;

-  Xizmat safarlari uchun 13 mln 262 ming 039 so‘m.

Jami xarajatlar uchun 15 mlrd 884 mln 127 ming 052 so‘m 50 tiyin sarflangan

Bunga viloyatlarda joylashgan 55 ta binoning kommunal va ijara to‘lovlari, bir oy mobaynida shartnoma asosida jalb etilgan yollanma ishchilar, texnik vositalarning shu davrda muntazam ishlab turishini nazorat qilish bo‘yicha mutaxassislar ish haqi kiritilmagan.

Ma’lumot o‘rnida eslatib o‘tamiz: Operatorlar xatosi tufayli ruxsatnomasini ololmaganligi sabab test sinovlarida ishtirok eta olmagan abituriyentlar uchun  17- avgust kuni test sinovlari o‘tkazilgan edi. 50 nafar abituriyent ishtirok etishi ko‘zda tutilgan bo‘lib, shulardan 35 tasi qatnashdi. Ammo hech qaysi abituriyent talabalikka tavsiya etilmagan.