Rossiya qurolli kuchlari 21-iyulga o‘tar kechasi raketa va dronlar qo‘llagan holda Kiyev bo‘ylab navbatdagi yopirilma hujumni amalga oshirdi.

Shahar harbiy ma’muriyati rahbari Timur Tkachenkoning ma’lum qilishicha, hujum oqibatida bir kishi halok bo‘lib, yetti kishi yaralangan. Tkachenkoning so‘zlariga ko‘ra, fuqarolik infratuzilmasi obyektlari hamda turar joy kvartallari zarba ostida qolgan. Eng ko‘p Darnitskiy rayoni jabrlangan, bu yerda bolalar bog‘chasi, supermarket, omborlar va boshqa noturar joy binolarida yong‘inlar chiqqan.

Shevchenkovo rayonida ko‘p kvartirali turar joy, shuningdek, “Lukyanovskaya” metro stansiyasi jabrlangan. Ukraina qurolli kuchlari havo kuchlari ma’lum qilishicha, rossiyalik harbiylar Ukrainaga tun davomida 426 ta uchuvchisiz uchar qurilma (zarbdor dronlardan tashqari imitatorlar ham), shuningdek turli tipdagi 24 ta raketadan foydalangan holda hujum uyushtirgan. Ukraina havo hujumidan mudofaa kuchlari “Shaheed” rusumli 200 ta dronni urib tushirgan va “raketalarning ko‘pchiligini mo‘ljaldan og‘dirgan”, 203 ta imitator dron nishongacha yetib bormagan, deyiladi Ukraina qurolli kuchlari bayonotida.

• Rossiya
• Ukraina
• Urush