Bosh prokurorning birinchi o‘rinbosari B.Valiyev tomonidan joriy yilning 16-iyul kuni Ko‘kdala tumanidagi aholiga suyultirilgan gaz tarqatish shoxobchasida sodir bo‘lgan portlash hodisasi joyiga chiqilgan holda o‘rganildi.

O‘rganishda, portlash hodisasi yuzasidan viloyat prokuraturasi tomonidan 16.07.2025 yilda Jinoyat kodeksining 205-moddasi va 259-moddasi bilan qo‘zg‘atilgan jinoyat ishi bo‘yicha yetkazilgan zararlarni to‘liq undirilishini ta’minlash hamda aybdor shaxslarni javobgarlik masalasini hal etish yuzasidan topshiriqlar berildi.

Shuningdek, hodisa oqibatida tan jarohati olib, Ko‘kdala tumani tibbiyot birlashmasida davolanayotgan bemorlar xolidan xabar olinib, ularga birinchi darajali tibbiy xizmatlarni ko‘rsatish, dori-darmonlar bilan o‘z vaqtida ta’minlab borish yuzasidan mutasaddilarga tegishli topshiriqlar berilib, ijrosi nazoratga olindi.

• Bosh prokuratura
• Prokuratura
• Qashqadaryo
• portlash