Futbol katta-yu kichikning sevimli o‘yiniga aylanib ulgurgan. Millionlab tomoshabinlar ushbu o‘yinni va uni o‘ynagan jamoani muntazam kuzatib ham borishadi. Ularni qo‘llab-qo‘vvatlashadi. 
Xo‘sh, millionlar o‘yiniga aylangan futbol to‘pining rangi nega aynan oq-qora rangdaligini bilasizmi?

Har doim ham shunday bo‘lmagan.

Ilk futbol to‘pi ustida bog‘ichlari bo‘lgan, rangi ham bir xil tusda edi. Ammo bu ilk to‘p juda og‘irligi sabab uni tepish o‘yinchilar uchun og‘riqli kechgan. Ammo oradan vaqt o‘tib, ular o‘rniga biroz yengillari keldi: ular turli sintetik yamoq bo‘laklaridan iborat bo‘lib, bir-biri bilan o‘zaro zich tikilgan. 

Ilk ixtiro

Bunday dizayn amerikalik arxitektor Richard Bakminster tomonidan ixtiro qilingan edi. Unda futbol haqida hech qanday tasavvur bo‘lmasa ham, u to‘p dizayni ustida ko‘p bosh qotirgan. Dizayn tobora yangilanib, shakllangani sabab yamoqlar 5 yoki 6 burchakli usulda tikiladigan bo‘lgan. Besh burchakli qora yamoqlar o‘yinchilarga tepilgan to‘pning “uchish” masofasini aniq ko‘ra olish imkonini bergan. Burchakli to‘plar mana shunday tarzda yuzaga kelgan.

Oq-qora rang esa...

To‘pning oq-qora rangi tasvirga olish jarayoni bilan bog‘liq. 1970-yilda Meksikada o‘tkazilgan chempionatda aynan mana shunday tusdagi to‘plar keltirilgan edi. O‘yin tomoshabinlarga to‘g‘ridan-to‘g‘ri efir orqali uzatilgani sababli to‘pning bunday rangi oq-qora tasvirli televizor orqali yaxshi ko‘ringan. Shu sabab ular uchun oq va qora ranlar tanlangan.

Hozirga kelib, futbol to‘plarining ham turli rang va ko‘rinishlari ommalashib ulgurdi, desak mubolag‘a bo‘lmaydi.